U bent hier

VASTELAOVESMAONDAAG 24-02-2020

Zien de weergode ós good gestump vandaag? Jao zeker, d’n optoch kós gaon trekke.

Nao kinnismake mit ’t Jocus Dreespan ginge weej dae maondaagmorge as Jury Faatse nao ós ( niej) plekske um ós werk te doon. Niej plekske umdet d’n optoch dees reis andersum trok.

’t Aantal faatse en spek en boeëne faatse veel dit jaor ’n bietje taege, weej hebbe d’r pakweg 40 geteld. Maar ja ’ne faatse is pas ’ne faatse as dae faatse allein is. Die met zien twieë of dreeje zien, zien spek en boeëne faatse. Die dörve nog neet allein, die zien nog aan ’t oefene. Maar ’t waas ’ne schoeënen optoch en de faatse, ouk de spek en boeëne faatse, ware leuk en smeis good gevónde.

Nao d’n optoch zien weej as Jury faatse nao riep beraod tot ‘n keus veur ’ne winnaer gekómme. Dae winnaer is: D’n hier Luc Peters mit zien creatie “De Mantelzörger”. Weej winse um van herte perfitsia heej mei.

Ziene pries kreeg hae door ózze veurzitter oetgereik op 5 maart in kefee de Gaaspiep.

De Jury Faatse Venlo

Henny Crommentuijn
Wiel Maassen