U bent hier

Worstebruuedjes

Worstebruuedjes

Baodschappelieske:

1 pak (500 óns) witte broeëdmix (veur ’t gemaak)
5 óns gehak, half verkes en half rinds
1 snee witte mik
1 ei
wit mael
zalt, paeper, notebeschaot
1 eierdaore
water

Veurbereiding:

Werm d’n aove veur op 225º C. Maak ’t deig zoeë wie ’t op ’t pak steit en laot ‘t, nao ’t knaeje, in eine schoeëne en flink met mael bestruide handdook nog zeker ein ketteer röste.
Maak óndertösse ’t gehak aan met ein, in water geweikde en oètgeknepe, snee mik, ’t ei, zalt, paeper, en ein bietje notebeschaot. Maak van dit aangemakde gehak óngevièr 12 rölkes van 12 cm.
Vet ein bakplaat good in.

Bereiding:
Rol ’t deig op d’n aanrech oèt (aevel ièrs good met mael bestruie, anders plek alles vas) tot eine rechheukige lap van óngevièr ½ wies ¾ centimaeter diek en verdeil dae lap deig met ein scherp mets in rechhukskes van 18x12 centimaeter.

Bestrièk de lepkes deig met water en lig dao de rölkes gehak op.

Vaaj ièrs de korte kante um ’t gehak en daonao de lange kante. Zörg waal det d’r neet tevuule lóch tösse ’t vleis en d’n deig kump.

Lig de worstebruuëdjes met de euverein geplekde kant nao ónder op de ingevette bakplaat en laot genóg ruùmte want ze kinne door de wermte nog rièze.
Zet de bakplaat met de worstebruuëdjes, aafgedek met eine schoeënen handdook, op ein werme plaats zoeëdet ze nog nao kinne rièze (40-45 minuute).

Bestrièk de oètgereze worstebruuëdjes met de, losgeklopde, eierdaore en zet de bakplaat iets ónder ’t midde in de veurverwermde aove en bak de worstebruuëdjes 20-30 minute.
Aet ze werm.

Laot ze óg smake!