U bent hier

Stadswandeling 2019

De wandeling zit vol!

In naovolging op de Verrassende Stadswandeling van augustus 2018, organiseert Veldeke Venlo dit jaor weer ’n stadswandeling.

De meiste stadswandelinge speule zich aaf in ’t alde centrum van Venlo, eigelik binnen de alde more van de stad Venlo. Ós leek ’t dan ouk ’n oetdaging, maar eigelik ouk ens  tied, um ‘n stadswandeling boete de alde more van de stad Venlo te organisere. Weej hebbe dan ouk ’n wandeling inein gezatte um en rónd ’t Villapark (Wilhelminapark), dao wao ’t vrugere Fort Ginkel gelaege haet. Tiejes dees wandeling zal de historie van ’t Villapark, maar ouk die van de umgaeving oet de deuk gedaon waere.

Zoeëas vurrig jaor dinke weej dees wandeling te doon in 2 groepe van maximaal 25 man per groep. Dees wandeling geit plaatsvinde op zóndaagmiddaag 25 augustus 2019. Dae middaag zal d’r (ónder veurbehald van meschiens inkele kleine wieziginge)  as volg oetzeen.

13.30 - 14.00 oor         Inloup baove beej Beej Benders aan ’t Gaasplein mit ’n tas koffie

14.00 - 14.30/45 oor    Dia/power point presentatie euver ’t villapark en umgaeving door Paul Seelen

14.30/45 oor                Start wandeling in 2 groepe

16.00/15 oor                Ind van de wandeling

Weej willle deze kier aafzeen van ‘ne georganiseerde naozit.

Veur dees wandeling kint geej óg tot 19 augustus 2019 inschrieve mit maximaal eine introducé via:  de website van Veldeke Venlo www.veldeke-krink-venlo.nl.   De eige beejdrage veur dees wandeling bedruueg € 7,50 pp, beej aanvang van de middaag beej Beej Benders  aan Wiel of Wiel te voldoon.

Wiel van Aarssen en Wiel Maassen