U bent hier

Finale Venlose declamatiewedsjtriéd

Op vriedaag 5 april 2019 um 19.00 oor begós de Venlose declamatiefinale in de Venlonazaal in Venlo.
De zaal zoot boemvól met kinder, elders, opa’s en oma’s, lierkrachte en andere belangstellende.
41 finaliste droge eur gedichje veur. Hans Jacobs prissenteerde d’n aovend en stelde de kinder op eur gemaak.

De jury bestónd oet 3 dames, te weite Leonie Pouwels, Monique Sampers en Lisanne Holthuijsen.
Nao 21 veurdrachte waas d’r ’n korte pauze met ’n optraeje van de kleine dansmeriekes van VV de Moeraskwaakers. Daonao droge de andere 20 finaliste eur gedichje veur.

Idderein haet genaote van de 41 kleine talentjes, die de minse kier op kier trakteerde op ’n schitterende veurdrach. De jury stónd versteld van de kwaliteit van dees veurdrachte en had de zwaore taak punte te gaeve aan iddere deilnemer.
’t Waas ‘ne zier geslaagden aovend. ’n Oetgebreider verslaag kint geej later laeze in Kroedwis nummer 2 van 2019, dae in augustus oetkump.

Ónderstaond de prieswinnaers:

Ónderbouw

1. Ro Repping Schoeël aan de Viever gedich: Ós Kareltje
2. Gino Heijnen Greunveldschoeël gedich: Erwtesoep
3. Féron Lothmann De Koperwiek gedich: Voetballe

Middebouw

1. Jenna Kusters Mikado gedich: De kater
2. Lisa Wolter Sterrepaad ‘t Ven gedich: ‘t Aepke
3. Jesse Vincken Schoeël aan de Viever gedich: Ós schoeël

Baovebouw

1. Jop Gubbels De Koperwiek gedich: Jocus-prins
2. Lynn Coesmans Sterrepaad ’t Ven gedich: Jocus-prins
3. Britt Fassotte De Meule gedich: Jocus-prins