U bent hier

Faatse 2019 Venlo

Jocus; Groeëten optóch Venlo 04-03-2019

 

16 x 11, ’N jubelend Jocus mit ‘ne jubelende Hoeëgheid dae keurend nao ’n Jubeloptóch steit te kieke.

Aevel ’n Jubeloptóch is genne Jubeloptóch zónder Jubelfaatse, gelökkig ware die d’r waal, same mit de spek en boeëne Faatse hebbe weej d’r waal 43 geteld. Jaomer genóg ware d’r maar ’n stök of 5 echte Faatse ( einlinge dus), tóch waal ‘n gemis.

Nao dees Jubelfaatse móchte weej dan as Faatsejurie keurend kieke, en det hebbe weej dan ouk dit jaor weer mit vuuel plezeer en kinnes gedaon. Gezag mót waere  det de creatieviteit van de Faatse ouk dit jaor weer behuurlik waas.

Weej hebbe wie gezag ‘n 5 tal echte Faatse beoerdeild. ( de spek en boeëne Faatse , die zien mit 2 – 3 of mier man, hebbe weej boete beschouwing gelaote). Faatsejurere is aevel erg leuk, de belaefs d’n optóch op ’n gans andere wies.

Nao d’n optóch hebbe weej ós truuk getrokke en mit ’n drenkske d’r beej zien weej aan ’t wikke en waege gegaon. Ouk dit jaor waas dit weer ’n lastig maar erg leuk um te doon.

Op ’n  gegaeven ougenblik waas d’r witte rouk en hadde weej ‘ne winnaer. Deze winnende echte Faatse waas schoeën oetgedos en creatief.  De oetveuring waas hiel good oetgebild en in einen ougopslaag dudelik. Deze Faatse verdeend ’t um dit jaor de winnaer te zien.

Euver wae hebbe weej ’t dan? Netuurlik euver Lilian Lommen mit eur creatie “Lekker Körke”

In de naomiddaag woorte alle optóch winnaers, ouk de winnende Faatse, in de Maaspoort op Jocus Buun gevraog um de felicitaties van d’n Hoeëgheid Eric I en zien adjudante Paul en Dominique in óntvangs te neme.

Lilian is dan ouk genuued veur de priesoetreiking op 14 maart a.s. um 21.00 oor in café De Gaaspiep in Venlo.

De Faatsejurie 2019

Henny Cromentuyn

Wiel Maassen