U bent hier

Faatse 2019 Blierick

Vanoet ‘t Wortelepinneriek

Zóndaag 3 maart 2019

Vandaag trek de groeëten optoch door de Blierickse straote. ‘t motto is: Laef d'n daag.

Thijs ( weerman beej L1 ) had wisselvallig weer aangekóndig. De waergoden waren ós neet good  gezind. In ‘t begin aaf en toe waat raege, maar op ‘t ind waas ‘t druueg. Met de wind veel 't ouk waal mei. Met 82 deilnemers waar 't eine bónten optoch van bónte groepe en moeëje wages. Ouk dit jaor lepe weer faatse mei, zónder is óndinkbaar, aevel t veel op det d’r neet zoeevuuel meilepe wie andere jaore.

De jury waas dit jaor oetgebreid met Wiel Engels. Nao aafloup kwame weej beej 't Raodhoes beejein  um nog efkes alles door te spraeke. Weej hadde de keus oet 7 faatse. Erg weinig maar de faatse die meilepe hadde waat leuks oet d’n aek gedreid en 't is ós  gelök. Weej hebbe alle faatse die aandach gegaeve die ze ouk verdeende. De Veldeke – trofee van 2019 is gewónne door Jo van Knippenberg met de creatie: Windturbines allemaol gebakke lóch.

Heej beej zoot ós werk d'r veur dit jaor weer op. Weej kieke al weer oet nao 2020.

Names de Veldeke jury Blierick,

Henny, Mieke, Wiel en Jos