U bent hier

Jean Laudy

 

Bezeuk aan ’t Jean Laudymuseum in ’t Ald Weishoes in Venlo.

Veldeke Venlo regelt  ’n bezeuk aan ’t Jean Laudymuseum in Venlo en waal op zóndaagmiddaag 18 november 2018 um 14.30 oor. Tiedes dit bezeuk zal oetveurig oetleg gegaeve waere euver ’t werk van deze Venlose schilder det dao tentoeën wuurt gesteld. ( deurt óngevier ’n oor)

Bedink óg waal det dit veurluipig  de letste kans is um dit museum op dees plaats te bezeuke, ’t museum mót per 31 december 2018 zien deure sloete.

Jaomer genóg kin de groep maar 15 persoeëne groeët zien. Maar beej genóg belangstelling kinne weej nóg mit ‘ne 2e groep um 16.00 oor ’t museum bezeuke. Veldeke vruueg veur deilname aan dit bezeuk ’n beejdrage van € 6,00 per persoeën, te voldoon beej d’n intraej van ’t museum op 18 november. ( intraejgeld-vergoeding veur de gids en ’n consumptie beej De Gaaspiep)

Aanmelde veur dit bezeuk, oetsloetend veur leje en dónneteurs, kin tot uterlik 31 oktober 2018  via ’t mailadres: wiel.maassen1@gmail.com  Aanmelde via facebook , de website van Veldeke, internet  of anders kin neet.

Welkóm op zóndaag 18 november 2018.