-
U bent hier
Declamatiewedstried Venlo 2018
Declamatiewedstried veur kinder van de lieëgere schoeël.
Finale in Venlo in de Venlonazaal,Hoeëgewaeg 10-16 in Venlo op vriedaag 6 april 2018 um 19.00 oor. Op 26 en 27 maart zien de veurróndes veur Venlo in de Venlonazaal .
Op 6 april 2018 um 19.00 oor stónde 35 kinder in de startblokke um eur gedichje veur te drage in ‘ne bómvolleVenlonazaal. Idder kind had zien eige fanclub mei gebrach.
Hans Jacobs, dae d’n aovend weer veurtreffelik prissenteerde, reep de kinder in blokke van 6 de buun op. Hae kreeg zelfs hölp vanoet de zaal um de kandidaatjes aan te kóndige.
Leuk um te vermelde is, det d’r ouk ’n gedichje (’t gedichje Slaop) woort veurgedrage, geschreve door Loes Niessen. Loes haet jaore zelf met de declamatiewedstriede meigedaon.
De jury bestónd oet Harry Pouwels, Roel Versleijen en Maurice Holthuijsen, allemaol bekind oet de vastelaoveswaereld in Venlo en Blierick. Zeej hadde de zwaore taak oet iddere categorie 3 winnaers te bepaole. Zeej gove aan genaote te hebbe van de kwaliteit van de veurdrachte en de oetdrökkinge op de snuutjes van de kinder. Dit hadde ze veur gen gold wille misse!
In de pauze waas d’r ’n prachtig optraeje van de dansgarde van de 4 x 11 jubilerende vastelaovesvereiniging de Moeraskwaakers op. De dametjes zatte de tent op de kop.
Al met al waas ‘t ‘ne schitterenden aovend met 35 schitterende sterre. Idderein dae heejaan haet beejgedrage, hertelik bedank!
De winnaers zien :
Ónderbouw
1. Lisa Wolter Gemmaschoeël gedich: Op de kermis
2. Trijntje Nellissen Willibrordusschoeël gedich: Op de kermis
3. Jay Gerritsen Titus Brandsmaschoeël gedich: Op de kermis
Middebouw
1. Jop Gubbels De Koperwiek gedich: Vlege
2. Yanna Schreurs De Koperwiek gedich: Slaop
3. Jip Nellissen Willibrordusschoeël gedich: Intelik winter
Baovebouw
1. Angelina Janssen De Koperwiek gedich: Aete
2. Britt Fassotte De Meule gedich: Beej pap achterop
3. Tessa Niessen De Meule gedich: Knoeëje
De nummers 1 van iddere categorie meuge nao de Limburgse finale op 26 mei 2018 in DOK6 in Panninge. Zeej kriege heej zelf nog ’n oetnuuediging veur. Weej winse eur ves hiel vuuel succes!
Diana Vullings-Smeets
Finale van de winnaers oet gans Limburg op zaoterdaag 26 mei um 13.00 oor in DOK-6 in Panninge.
Alle foto's van de wedstried
